Re go laletsa gore godimo ga dithuto tsa Baebele o re eme nokeng ka go reka dithuto tse, kgotsa ka moneelo, kana go direla le rona.
Bomme ba ba kgonang go ranola mokwalo go tswa kwa Sekgoweng go ya kwa Setswaneng. Re tlhoka kitso e e bophara ya diteme tsoopedi.
(Kitso ya maemo a a kwa godimo (professional) e eletsega thata.)
Kwa LGG, tsotlhe tse re di kwalang kana re di ranola di tlhokwa go sekwasekwa di bo di rulaganngwa sentle pele ga go gatisiwa. Re tlhoka barulaganyi go re thusa mo tirong e.
Morulaganyi o tshwanetse go nna le kitso e e bophara ya mafoko a Setswana, melawana ya puo, mokwalo o o lolameng, le kitso ya Baebele.
Bomme ba ba itseng go dirisa (kana ba eletsa go ithuta) Canva, Photoshop kana sepe sa botaki go dira ditshwantsho ba a tlhokega mo dithutong tsa rona tsotlhe tsa Baebele.
A o rata go bona bomme ba bangwe gola mo semoweng? Re batla go go fa ditsompelo tsa rona tsa ithutuntsho gore o bule setlhophana (LGG study group) se se tla thusang ba bangwe go gola mo Moreneng.
Rotlhe re tlhoka kgothatso. Re batla bomme ba ba nang le mpho ya go kgothatsa le keletso ya go aga bakaulengwe mo go Keresete. Go ithaopa mo lefelong le e ka nna go araba dikakgelo, go rapelela ba bangwe, go fetisa kitso, le go kwala…
Re a itse gore O batla go dira pharologanyo! Ikgolaganye le Love God Greatly mo leetong la go lwantsha botlhokakitso jwa Babebele lefatshe ka bophara, le go dira didirisiwa tsa ithutuntsho ya Baebele ka diteme tse di ntsi.
Re le mokgatlho o o sa direng dipoelo , Love God Greatly e tshela ka ntlha ya bomme ba ba pelonomi jaaka wena ba ba neelang mo dilong tsa botlhokwa.
Mpho nngwe le nngwe e tlisa pharologanyo ya bosakhutleng!